ഓണാഘോഷത്തിൽ മുസ്ലിം കുട്ടികൾ പങ്കെടുക്കരുതെന്ന് അധ്യാപികയുടെ സന്ദേശം: കേസ്, സസ്പെൻഷൻ
ഓണാഘോഷത്തിൻ്റെ പേരിൽ വിദ്യാർത്ഥികൾക്കിടയിൽ ഭിന്നതയുണ്ടാക്കാൻ ശ്രമിച്ച സ്കൂൾ അധ്യാപികയ്ക്കെതിരെ കേസ്. തൃശൂരിലെ കടവല്ലൂരിലുള്ള സിറാജുൽ ഉലൂം ഇംഗ്ലീഷ് ഹൈസ്കൂളിലെ അധ്യാപിക ഖദീജയാണ് വിവാദത്തിന് വഴിയൊരുക്കിയത്. ‘ഓണം മറ്റ് മതക്കാരുടെ ആഘോഷമാണ്, അതിനാൽ മുസ്ലിം വിദ്യാർത്ഥികൾ ഇതിൽ സഹകരിക്കരുത്’ എന്ന് ആവശ്യപ്പെട്ട് അധ്യാപിക രക്ഷിതാക്കൾക്ക് ശബ്ദ സന്ദേഷശമയച്ചതിന് പിന്നാലെയാണ് സംഭവം. വിവിധ മതങ്ങളിൽ നിന്നുള്ള വിദ്യാർത്ഥികൾ സ്കൂളിൽ പഠിക്കുന്നുണ്ടെന്നും എല്ലാ ആഘോഷങ്ങളും നടത്തുമെന്നും അധ്യാപിക ശബ്ദ സന്ദേശത്തിൽ പറയുന്നുണ്ട്. എന്നാൽ, മുസ്ലിം വിദ്യാർത്ഥികൾ ഓണാഘോഷങ്ങളിൽ പങ്കെടുക്കുന്നില്ലെന്ന് രക്ഷിതാക്കൾ ഉറപ്പാക്കണമെന്നും…
