ആക്സിയo – 4 ദൗത്യം; ഡോക്കിഠഗ് വിജയം
ആക്‌സിയം 4 ദൗത്യത്തിലെ ബഹിരാകാശ സഞ്ചാരി ശുഭാൻഷു ശുക്ല രാജ്യാന്തര ബഹിരാകാശ നിലയത്തിൽ എത്തിയതോടെ ചരിത്രപരമായ ഒരു വിജയനിമിഷം കൈവരിച്ചു. ബഹിരാകാശ നിലയത്തിൽ പേടകത്തിൻ്റെ ഡോക്കിംഗ് വിജയകരമായി പൂർത്തിയാക്കി.
ഫ്ലോറിഡയിലെ കെന്നഡി സ്പേസ് സെന്ററിൽ നിന്ന് വിക്ഷേപിച്ച ആക്‌സിയം 4 ദൗത്യം, ഇന്ന് ഇന്ത്യൻ സമയം വൈകുന്നേരം 4.30 ഓടെയാണ് ബഹിരാകാശ നിലയത്തിൽ ഡോക്ക് ചെയ്തത്, ശുഭാൻഷു ശുക്ലയുടെ ബഹിരാകാശ യാത്രയോടെ, രാജ്യാന്തര ബഹിരാകാശ നിലയത്തിലെത്തുന്ന ആദ്യത്തെ ഇന്ത്യക്കാരൻ എന്ന നേട്ടം അദ്ദേഹത്തിന് സ്വന്തമായി.
ഈ ദൗത്യത്തിൽ ശുഭാൻഷു ശുക്ല ഉൾപ്പെടെ നാല് ബഹിരാകാശ സഞ്ചാരികളാണുള്ളത്. നാസയുടെ ബഹിരാകാശ സഞ്ചാരി പെഗ്ഗി വിറ്റ്‌സൺ, പോളണ്ടിൽ നിന്നുള്ള സ്ലാവോസ് വിസ്നീവ്സ്കി, ഹംഗറിയുടെ ടിബോർ കാപു എന്നിവരാണ് മറ്റ് അംഗങ്ങൾ, ബഹിരാകാശ നിലയത്തിൽ 14 ദിവസമാണ് ഈ സംഘം ചെലവഴിക്കുക, അവിടെ 60 ഓളം ശാസ്ത്രീയ പരീക്ഷണങ്ങൾ നടത്തും.
മൈക്രോഗ്രാവിറ്റി ഗവേഷണവുമായി ബന്ധപ്പെട്ട് ഇന്ത്യയുടെ 7 പരീക്ഷണങ്ങളും ശുഭാൻഷു ശുക്ല ബഹിരാകാശ നിലയത്തിൽ നടത്തും.
2035 ഓടെ സ്വന്തമായി ബഹിരാകാശ നിലയം എന്ന ഇന്ത്യയുടെ സ്വപ്നത്തിലേക്കുള്ള ഒരു നിർണ്ണായക ചുവടുവെപ്പാണ് ഈ ദൗത്യം,
